ഇനിയുമുന്ടൊരു ജന്മ മെങ്കില്‍.....

     എന്റെ പ്രണയത്തിന്റെ ശവമഞ്ചവും പേറി ഞാന്‍ അലയുന്നു, കാലങ്ങളായതിന്‍ ഭാരം പേറിയെന്‍ ചുമല്‍ തടിച്ചു വീര്‍ത്തിരിക്കുന്നു. കൈകള്‍ തളര്‍ന്നിരിക്കുന്നു. കാലുകള്‍ക്ക് വായു നഷ്ടമായിരിക്കുന്നു. ഇതൊന്നിറക്കിവെക്കാന്‍ ഒരത്താണി ഒരു കൈത്താങ്ങ്‌.....

വിഷാദത്തിന്റെ ചുളിവുകള്‍ വീണ നെറ്റിത്തടത്തില്‍ നിന്നും വിരഹത്തിന്റെ നിഴല്‍ പടര്‍ന്ന ഹൃദയത്തില്‍ നിന്നും രക്ഷക്കായ്‌...പ്രതീക്ഷയുടെ കരിന്തിരി നാളവും കാത്ത്‌ ഞാനിവിടെ ഇന്നും.....

ഗസല്‍ എന്ന ചിത്രത്തിലെ അതി മനോഹരമായ ആഗാനത്തിന് നമുകൊന്നു കാതോര്‍ക്കാം...
[ഈ ഗാനം കേള്‍ക്കാന്‍ പ്ലേ ബട്ടണില്‍ ക്ലിക്ക് ചെയ്യൂ...]

ഇനിയുമുന്ടൊരു  ജന്മ മെങ്കില്‍
എനിക്ക് നീ ഇണയാകണം...
ഇനിയുമുന്ടൊരു  ജന്മ മെങ്കില്‍
എനിക്ക് നീ ഇണയാകണം...
നിന്‍റെ മിഴിയിലെ നീല വാനില്‍
നിത്യ താരകയാകണം...
നിന്‍റെ മിഴിയിലെ നീല വാനില്‍
നിത്യ താരകയാകണം...
ഇനിയുമുന്ടൊരു  ജന്മ മെങ്കില്‍
എനിക്ക് നീ ഇണയാകണം...

വീണ്ടുമിന്നു വിടര്‍ന്നു നിന്നു
വീണടിഞ്ഞ കിനാവുകള്‍
വീണ്ടുമിന്നു വിടര്‍ന്നു നിന്നു
വീണടിഞ്ഞ കിനാവുകള്‍
പ്രേമ മധുരിമയേന്തി നിന്നു-
പ്രാണ വനിയിലെ മലരുകള്‍..
ഇനിയുമുന്ടൊരു  ജന്മ മെങ്കില്‍
എനിക്ക് നീ ഇണയാകണം...

വീണുകിട്ടിയ മോഹമുത്തിനെ
കൈവിടില്ലൊരു നാളിലും
വീണുകിട്ടിയ മോഹമുത്തിനെ
കൈവിടില്ലൊരു നാളിലും
നിന്‍റെ സ്നേഹ ചിപ്പിയില്‍ ഞാന്‍
ചേര്‍ന്നലിഞ്ഞു മയങ്ങിടും

ഇനിയുമുന്ടൊരു  ജന്മ മെങ്കില്‍
എനിക്ക് നീ ഇണയാകണം.....
നിന്‍റെ മിഴിയിലെ നീല വാനില്‍
നിത്യ താരകയാകണം...
ഇനിയുമുന്ടൊരു  ജന്മ മെങ്കില്‍
എനിക്ക് നീ ഇണയാകണം..

                       നിരര്‍ഥകമായ കാത്തിരിപ്പ് തുടരുന്നു ഈ മൌനപാതയില്‍......നിന്‍റെ വരവിനായി......

നഷ്ട സ്വപ്‌നങ്ങള്‍.....

പ്രിയേ...
നിനക്കെന്നെയും, എനിക്കു നിന്നെയും മനസ്സിലാക്കാന്‍ കഴിയാതെ പോയല്ലോ... മനസ്സ് എന്നെ ഭൂതകാലത്തിലേക്ക് വലിച്ചിഴച്ചപ്പോള്‍ അവിടെ ഒരു നഷ്ട വസന്തത്തിന്റെ ചിറകടി ശബ്ദം മാറ്റൊലി കൊള്ളുന്നുണ്ടായിരുന്നു... സ്മരണകളുടെ തിരയില്‍ പെട്ട് മനസ്സ് പിടഞ്ഞപ്പോള്‍ ഞാന്‍ ഒരിക്കല്‍ കൂടി തളരുകയാണ്.....എല്ലാം മറക്കനുള്ള കരുത്തു കിട്ടിയിരുന്നെങ്കില്‍... പക്ഷെ സ്നേഹത്തിന്റെ രക്തത്തില്‍ നിന്നു തൊട്ട പൊട്ടെങ്ങിനെ മറക്കാന്‍ കഴിയും... പ്രഭാതത്തിന്റെ കുളിര്‍മ്മയോടെ.. നട്ടുച്ചയുടെ തീഷ്ണതയോടെ ..സന്ധ്യയുടെ സൌന്ദര്യത്തോടെ..ഒടുവില്‍ രാവിന്റെ നിശ്ശബ്ദതയോടെ എന്നില്‍ വിലയം പ്രാപിച്ച...നഷ്ടപ്പെട്ട ആ പ്രണയ സാമ്രാജ്യത്തിന്റെ ദുഖസ്മ്ര്തികളുമാ‍യി ഏറ്റുമുട്ടി തളരുംബോള്‍ നീ എന്നെ സ്നേഹിച്ചിരുന്നു എന്നോര്‍ത്ത് ഞാന്‍ ആശ്വസിക്കാന്‍ ശ്രമിക്കുന്നു, ആശ്വസിക്കാന്‍ എനിക്കു കഴിയില്ലെങ്കിലും....

ദൈവത്തിന്റെ വിക്ര്തികള്‍ എന്ന് സിനിമയിലെ ഈ ഗാനം എന്നും മനസ്സില്‍ മായാതെ ചുണ്ടില്‍ നിന്നും മറയാതെ കിടക്കുന്നു....
കേള്‍കാം ആ ഗാനം ഇവിടെ   ,



ഇരുളിന്‍ മഹാ നിദ്രയില്‍ നിന്നുണര്‍ത്തി നീ
നിറമുള്ള ജീവിതപ്പീലിതന്നൂ,
ഇരുളിന്‍ മഹാ നിദ്രയില്‍ നിന്നുണര്‍ത്തി നീ
നിറമുള്ള ജീവിതപ്പീലിതന്നൂ,
എന്റെ ചിറകിനാകാശവും നീ തന്നു
നിന്നാത്മ ശിഖരത്തിലൊരു കൂടു തന്നൂ,
ആത്മ ശിഖരത്തിലൊരു കൂടു തന്നൂ.

ഒരു കുഞ്ഞു പൂവിലും തളിര്‍കാറ്റിലും,
നിന്നെ നീയായ് മണക്കുന്നതെങ്ങ് വേറെ,
ജീവനൊഴുകുംബോള്‍ ഒരുതുള്ളി ഒഴിയാതെ നീ തന്നെ
നിറയുന്ന പുഴയെങ്ങു വേറെ...
കനവിന്റെ ഇതളായ് നിന്നെ പടര്‍ത്തി നീ-
വിരിയിച്ചൊരാകാ‍ശമെങ്ങു വേറെ.

ഒരു കൊച്ചു രാപ്പാടി കരയുംമ്പൊഴും
നേര്‍ത്തൊരരുവി തന്‍ താരാട്ട് തളരുംമ്പൊഴും,
കനിവിലൊരു കല്ലു കനി മധുരമാകുംമ്പൊഴും,
കാലമിടറുംബൊഴും,
നിന്റെ ഹ്ര്ദയത്തില്‍ ഞാനെന്റെ ഹ്ര്ദയം കൊരുത്തിരിക്കുന്നു,
നിന്നിലഭയം തിരഞ്ഞ് പോവുന്നു.

അടരുവാന്‍ വയ്യാ,
അടരുവാന്‍ വയ്യ നിന്‍ ഹ്ര്ദയത്തില്‍ നിന്നെനിക്കേത് സ്വര്‍ഗം വിളിച്ചാലും,
അടരുവാന്‍ വയ്യ നിന്‍ ഹ്ര്ദയത്തില്‍ നിന്നെനിക്കേത് സ്വര്‍ഗം വിളിച്ചാലും,
ഉരുകി നിന്‍ ആത്മാവിനാഴങ്ങളില്‍ വീണു പൊലിയുംബൊഴാണെന്റെ സ്വര്‍ഗം,
ഉരുകി നിന്‍ ആത്മാവിനാഴങ്ങളില്‍ വീണു പൊലിയുംബൊഴാണെന്റെ സ്വര്‍ഗം,
നിന്നിലടിയുന്നതേ നിത്യ സത്യം.